1845/2025-2026

Siaha the 10th October 2025 : Right to Information (RTI) Week pualin vawiin khan DRDO Conference Hall, Siaha-ah hun hman a ni a, Pu Abraham Beirazi Khithie, Addl DC chuan he hun hi kaihruaiin District Bawrhsap Pu VL Hruaizela Khiangte chu Khuallian a ni.

Pu VL Hruaizela Khiangte chuan kalkhawmte chu RTI Week chibai a buk hmasa a, RTI hman tan a nihin huphurh ru tam tak an awm nain tunah chuan a tangkaizia an hre tam tulh tulh a, langtlang Sawrkar leh mawhphurhna la ngam Sawrkar neih kawngah a pawimawhna a lang chiang tulh tulh a ni, a ti. India chu mipui rorelna ram a ni a, Sawrkar hnathawk ten zep ruk an neih a rem lova, Govt Servant an nih angin langtlang takin an thawk thin tur a ni, a ti bawk. 

District Bawrhsap chuan RTI duan chhan lo ang taka hmangsual an thahnem hle a, an mi er zawngte tihbuai hrim hrim emaw, harsatna siam nana RTI hmang an awm thin chu pawi a tih thu a sawi a, RTI awmzia leh thiltum ang taka hman a nih theih nan leh langtlang Sawrkar a awm theih nan RTI pawimawhna mipui hnena puanzar a tul takzet a ti bawk a ni. 

RTI chuan Sawrkar hnathawkte nasa takin a khalhngil a, Sawrkar hnathawk mai bakah NGO leh Private company te pawh a huam tel vek avangin mitin an fimkhur phah hle a ni, a ti bawk.

Siaha District Superintendent of Police Pu Manjeet Singh Sankhla pawhin thu sawiin India chu Democracy ram a ni a, mipuite chhiah thawhkhawm hmanga hlawh nei Govt servant te chu mipui hamthatna atan theihtawpa thawh chu kan mawhphurhna a ni a ti. A bikin Police Dept chu mipui himna leh zahawmna humtu an nih avangin an fimkhur lehzual a ngai a ti bawk a ni.

RTI Week puala hun hmanah hian District Resource Person, Pu Reuben T Kompa, Dy Director, DLEO Siaha chuan RTI Act nihphung leh thiltum te bakah hremna awm thei te leh RTI Act hnuaia thupui pawimawhte hrang hrang hmangin PowerPoint presentation hmangin a pe a, Pi K Ngosai, DIPRO chuan concluding remark pein hun tihtawp a ni. District chhunga Head of Office-te leh sawmbikte an tel a ni.