2817/2022-2023

Sahmulphah thla ni 26, 2022: Vawiin hi India Constitution Day (Samvidhan Diwas) a ni a. Lawngtlaiah chuan Nehru Yuva Kendra (NYK) huaihawtin Central YLA Hall, Lawngtlai-III-ah Khuallian Lawngtlai-III Bialtu MDC Pu T. Lalengmuana hovin ṭhalaite nen he ni hi hman a ni.

He hun hi NYK Lawngtlai Staff Pu Johny Malsawmsanga chuan kaihruaiin, hun hman chhan a sawi fiah a. Khuallian Pu T. Lalengmuana chuan India Danpui hnuaia khua leh tuite'n hamṭhatna hrang hrang kan neihte leh ṭhalaite hmasawnna atana thil pawimawh hrang hrang a sawi a. Resource person Govt Lawngtlai College-a Asst Professor Pu ZH Lianthanga hnen aṭangin Constitution Day chungchang leh Constitution pawimawhna ngaihthlak a ni a. BSA Cultural Troupe te'n hnam lam entirin, Lalchhanchhuahi hnen aṭangin malzai ngaihthlak a ni bawk a. Jasmine VL Hruaii'n lawm thu sawiin hun a khar a ni. 

Constitution Day hi November ni 26, 1949-a India Danpui pawm a nih hriat reng nan leh a pawimawhzia inzirtir ni atan kum tin November ni 26-a hman tura tih a ni a. Sawrkar Laipui ruahman angin kum 2015 aṭang khan kum tin hman ṭhin a ni.

Attachment

  • Loading attachment...