4316/2024-2025

Lawngtlai, 18th February 2025 : Lawngtlai District Level Committee on Nasha Mukt Bharat Abhiyan bultumin ' One Day Capacity Building Programme on Drug Abuse Prevention for Master Volunteers and Nodal Teacher/ NGOs' chu DC Conference Hall- ah neih a ni a. Pu Cheemala Siva Gopal Reddy, IAS, District bawrhsap leh Chairman, Lawngtlai District Level Committee on Nasha Mukt Bharat Abhiyan nibawk chuan a hmanpui.

Pu Cheemala Siva Gopal Reddy, IAS, chuan kalkhawmte chunga lawm thu sawina a nei hmasa a. India sawrkarin ruihhlo do kawngah nasa takin hma a la tih tarlangin, ruihhlo um bo turin hmabak erawh a  la tam hle a ni, a ti. Bawrhsap chuan tun dinhmunah Nasha Mukt Bharat Abhiyaan (NMBA) hian thalai vaibelchhia 11.2 thleng phak tawhin, thalaite ruihhlo ti lo tura inzirtir piah lamah thalai te chu nakin lawka ram hruaitu tur an nihna hre reng tur leh an fin leh thiamnate ram leh hnam tana hmang a; India ram 'Viksit Bharat- Developed India' tura theitawp chhuah tura inzirtirna a keng tel thu a sawi.

Bawrhsap chuan Lawngtlaiah pawh  Nasha Mukt Bharat Abhiyaan (NMBA) urhsun taka kalpui a nih thu a tarlang a. A bik takin Lawngtlai chu 'International Border' nei a nih angin, Ruihhlo Do kawngah hmalakna tur a tam em em a, sawrkar bakah NGO, Kohhran leh Lawngtlai mipuite tanho a tul hle a ni, a ti. Pu Cheemala Siva Gopal Reddy chuan thalaite zinga Ruihhlo a hluar bik chu hun awl an ngah lutuk vang ni a ahriat thu a tarlang a. Thlaite chu hunawl insiam tam  lo tur leh hun awlah chuan   infiamna, taksa sawizawi leh  Music  bakah 'Career guidance' lam ngaihven tam turin a fuih a .Lawngtlai mipuite tanpui tura District Administration an in hawn reng thu sawiin, Pu Cheemala Siva Gopal Reddy chuan Ruihhlo do kawnga theihtawp chhuahpui turin a sawm nghal bawk.

Vawiin 'One Day Capacity Building Programme on Drug Abuse Prevention for Master Volunteers and Nodal Teacher/ NGOs' hi Government Lawngtlai College nena hman a ni a. Pi Vanlalhruaii, MSD&RB leh Pu Lalrindika MSD&RB ten thupui then hrang hrang hmangin zirtirna hun an hmang a, zawhna leh chhanna hun hlimawm tak  neih nghal a ni.