4317/2024-2025

February ni 18, 2025: Vawiin chawhma khan AH & Veterinary Minister Pu C. Lalsawivunga chuan Selesih A.H & Vety Farm ah Durtlang leh Sihphir a bawng vulhtu 41 hnenah a thlawn in bawngchaw tur buhpawl a semchhuak.

Thenzawl Vety Farm a ran chaw (fodder) chinna hmun acre 57 a zau chu Minister Pu C. Lalsawivunga hovin kum 2023-24 chhung khan acre 70 a zauhvin, a vaiin acre 127 a huam ta a. Selesih Hay House atangin vawiin hian fodder tharchhuah te hi a thlawn in semchhuah a ni.

Vawiin ran chaw semna pual inkhawm, Selesih AH & Vety Rest House ah neih ah Minister Pu C. Lalsawivunga chuan thu sawiin, bawnghnute, artui leh sa a intodelh tur chuan ran chaw atanga bul tan a ngai a ni, a ti a. A chaw a intodelh hmasak loh chuan a intodelh tak tak theih loh tur thu a sawi a. Hemi kawnga hmalakna neih mekah department lama thawktu ten kuthnathawktute tan thahnemngai taka inpekna tak tak nen an thawhna chu lawmawm a ti a. Minister chuan bawng vulhtute thawhrimzia chu fakawm tiin, kuthnathawktute'n khawsak dinhmun tha zawka hlankai chu sawrkarin a ngaihpawimawh thu a sawi a. State sum indaihlohna karah a theih chin china hmalak pui zel an nih thu thu a sawi.

Minister chuan department thawktu leh farmer kalkhawmte chu ram innghahna leh hnam zahawma kan insiam theihna tura mawhphurhna kengtu an nih thu a sawi a. Kuthnathawktute thawhchhuah chu ram economy chawisan na niin, an ni tello in sawrkar a kal theilo a ni a ti a. Chhel takin taima taka thawk turin a fuih a ni.

He programme ah hian Dr. R. Zothanmawii, Director, AH & Veterinary Department chuan kaihruaiin, Dr. Lalhmangaiha, Deputy Director chuan technical report a pe a ni.

Thenzawl bakah AH & Very Department chuan Selesih, Thingdawl, Lungpuizawl, Mampui leh Siaha ahte ran chaw a ching a. Heng hmun ami te erawh hralh chhuah emaw thawn chhuah tham ni lovin a hmuna ran vulhte tana hman mai a ni. Vawiinah ran chaw a thlawn a sem chhuah bak chu man tlawm thei ang bera hralh chhuah tum a ni.