Nimin leh vawiin khan Economics & Statistics Department bul tumin Lawngtlai DRO Conference Hall-ah Lawngtlai District chhunga LADC area-a piang leh thi chhinchhiahtu (registrar of births & deaths - RBD)-te tan intuaitharna (annual training) buatsaih a ni.

Kum tina neih ?hin he annual training hi ni hnih awh niin, nimin khan RBD-te’n piang leh thi an chhinchhiahna register te endik leh kum thar atana hmanraw mamawh semin hun hman a ni a. Vawiin khan RBD chungchanga thil pawimawh hrang hrang zir ho leh sawi hona hun hman chhunzawm a ni.

Vawiina hun hman hi Lawngtlai District Research Officer Pi H. Chhunkungi'n kaihruaiin, an department-in piang leh thi chhinchhiah an kalpui dan tlangpui a sawi a. Lawngtlai Sub-Deputy Commissioner Pu Vabeimozachhi Chozah MCS chuan piang leh thi chhinchhiah pawimawhzia sawiin, ramria awm Lawngtlai District ang te tan phei chuan uluk a ?ul zual a ni, a ti a. RBD-te chu an mawhphurhna pawimawhzia hre thar turin a chah.

Judicial Magistrate 1st Class Pi S. Ngotlia MJS pawhin piang leh thi chhinchhiah kawngah kum khat chhunga chhinchhiahtir an nih loh chuan Judicial Magistrate 1st Class remtihna chauhva certificate pek chhuah theih a nih dan sawiin, court thlen ngai lo tura RBD-te leh mipuite’n a hun taka inchhinchhiahtir a pawimawh thu a sawi a. RBD-te chu danin a phut anga India khua leh tui dik takte chauh, anmahni pianna khua ngei a?anga delayed birth certificate recommendation pe chhuak ?hin turin a chah.

He hunah hian kum 15 chuang RBD hna lo thawk tawhte chawimawina thuziak hlan an ni a. Chawhma lama thu sawi hrang hrang ngaihthlak a nih hnu hian chawhnu lamah RBD kal khawmte hnenah thil pawimawh hrang hrang zirtir leh an ni a. Zawhna leh chhanna leh sawi hona hun hman ho a ni bawk.

He training hi LADC area-a RBD 76 te tana buatsaih niin, RBD 70 an tel thei a. Naktuk lam hian CADC area-a RBD 58 te tan Chawngteah training hi an buatsaih leh dawn a ni.