Vawiin khan DC Conference Hall Mamit-ah District Level Committee on BADP chu an Chairman Pu Vanlalngaihsaka, Deputy Commissioner  Mamit District hovin thutkhawm a ni a, Meeting hi Mamit District chhunga MLA pathum Pu H. Lalzirliana 3-Mamit (AC), Pu Lalrintluanga Sailo, Deputy Chief Whip, 2- Dampa (AC) leh Pu Lalrindika Ralte,  1- Hachhek te'n an telpui.

Meeting-ah hian Mamit District chhunga Block  Pathum Zawlnuam I, Zawlnuam II leh W. Phaileng huam chhunga Border Area Development Programme sum hmanga hmasawnna hna thawh tur hrang hrang chhawpchhuahte thlirho a ni a. Annual Action Plan on BADP for 2019- 2020 atan hian Mamit District chhung khaw kilkhawr zawkte inkalpawhna kawng siamna tura rawtna hrang hrangte chu sawiho niin a tlangpui thu-a pawm tlan a ni. Heng bakah hian Zirna leh Hriselna kawnga District hmasawnna tur hrang hrangte chhawpchhuaha sawizui a ni bawk.

Vawiin Meeting-a Annual Action Plan on BADP 2019-2020 thlirho hi State Levela pawmpui tura thawn leh tur a ni ang.

Meeting-ah hian 2- Dampa(AC) huam chhunga W. Phaileng to Mamit panna kawng Short cut hluihlawn tawh chu W. Phaileng bialchhung leh khawdangte tan pawha kawng pawimawh tak anih avangin a theih ang anga thuamthata chei thar leh nise tih a ni a. Dampa Tiger Reserve chu a changtlun zawk theihna turin thawktu nghet ngeiin enkawl ni se tih a ni bawk.

Meeting-ah hian Committee members-te an tel tha hle a ni.