2788/2026-2027
Lawngtlai, 23rd October 2026 : Vawiin khan Lawngtlai Bawrhsap Pu Donny Lalruatsanga kaihhruaiin DC Conference Hall-ah Pradhan Mantri National Apprenticeship Mela (PM - NAM) Awareness Programme - neih a ni a. Pu Reuben T. Kompa, Dy. Director, District Employment Exchange, Siaha chu Resource Person a ni.
Pu Donny Lalruatsanga kalkhawmte chibai bukin, PM - NAM chu thalaiten company leh industry - hrang hrangah hnathawh hmanga thiamna an zir theihna, training remchâng an hmuh theihna leh hna hmuh theihna kawng hawngtu a ni, a ti a. Sawrkarlaipuiin a ngai pawimawh hle a, Lawngtlai District - ah pawh theih ang anga hmalak mek zel a ni, a ti. Lawngtlai District - ah Employer lian tham an awm mumal loh avangin harsatna lian tak a awm a, chutih rualin sawrkarlaipui beisei anga a theih chin chinah hmalak a ni ang a ti. Bawrhsap chuan PM - NAM kalphung tlangpui hrechiang tur te, November thlaa 'Job Mela' a tel theuh tur leh Apprentice Registration - ti theuh turin a sawm nghal bawk.
Pu Reuben T. Kompa, Dy. Director, District Employment Exchange, Siaha chuan PM - NAM kalphung tlangpui leh hamthatna awm ang angte sawizauna a nei a. Zawhna leh chhanna hun hlawk tak hman a ni a. Employer leh Apprentice Registration - kalpui nghal a ni.
Vawiin hun hmannaah hian Lawngtlai District Skill Commitee, Bank aiawh, Employer leh Apprentice tura sawm te an tel thei a, Bawrhsap chuan lawmthu sawiin hun a khar.
