Nimin (15.3.2019) khan Lawngtlai Chawnhu vengah Social Welfare Department (SWD) bul tumin Pradhan Mantri Matru Vandana Yojana (PMMVY) IEC Campaign Rally leh Poshan Pakhwada Rally buatsaih a ni.

He rally-ah hian Lawngtlai District Programme Officer (ICDS)/Nodal Officer (PMMVY) Pi Vanlalhruaii leh Lawngtlai Child Development Project Officer (CDPO) Pi Hlawnchii te hovin SWD-a thawkte leh Chawnhu khawtlang mipuite'n hun an hmang ho a ni.

PMMVY hnuaiah hian kum 2017 hnu lama nau pai leh nau pawmte hnenah nu leh naute inenkawl nan ṭanpuina pawisa fai ₹ 5,000/- pek theih a ni a. PMMVY hnuaia hamṭhatna dawng tur hian mahni awmna veng anganwadi centre hnai berah nau pai aṭanga ni 150 ral hmain inziah luh ngei ngei tur a ni a. He ṭanpuina hi sawrkar aṭang leh hmun dang aṭanga naupai ṭanpuina dang dawng theite tan erawh dil theih a ni lo.

Kum 2018 aṭanga 2019 March thla thleng hian Lawngtlai District bikah mi 2682-in PMMVY hnuaiah hian ṭanpuina an dawng tawh a. Ṭanpuina pek chhuah tawh zat hi ₹ 26,82,000/- niin, ṭanpuina hi a diltu account-ah direct benefit trarsfer hmanga thun ṭhin a ni.

Poshan Abhiyaan hi multi-ministerial convergence mission niin, a thil tum ber chu kum 2022-ah India ram hi taksa mamawh ei tur ṭha tlakchham awm lohna ram (malnutrition free country) a nih theih nana anganwadi centre kal tlanga hma lak a ni a. Lawngtlai District-ah pawh hma lak chhoh mek a ni.

Attachment

  • Loading attachment...