Vawiin khan MLA Inthlanpui 2018 lo awm tura Lawngtlai District chhunga constituency pathuma polling station 161-a Presiding Officer (PRO) leh Asst Presiding Officer (APRO) tura ruatte tan Lawngtlaia Govt Region HSS-ah 2nd training buatsaih a ni.

He hunah hian PRO leh APRO tura ruatte an kal tha hle a. District Level Master Trainer-te - Pu Lalneihthanga Colney MCS, Pi Christina Lalmuanzuali MCS leh Pu Timothy R. Lalhmangaiha MCS te'n training hi an pe a. EVM chungchang leh PRO leh APRO-te mawhphurhna hrang hrang zir ho niin, sawi hona leh zawhna leh chhanna hun hman nghal a ni bawk.