Vawiin khan Lawngtlai District Legal Services Authority leh LADC Forest Department tang kawp chuan Chawntlangpui Forest Nursery-ah ramngaw humhalh chungchang kaihhnawih dan chi hrang hrang zir hona (training on forest related laws) an buatsaih.

He hun hi LADC-a Conservator of Forest Pu K.Lalromawia chuan a kaihruai a. Resource person pahnih awmin, Chief Judicial Magistrate Pu Laldinpuia Tlau chuan ramngaw humhalh awmzia leh nihphung (principles for conservation of forest) sawiin, Legal Adviser to LADC Pu ST Ramhmachhuanmawia chuan dan bawhchhetute man dan leh dan anga hrem theih dan (procedure for prosecution of violators) a sawi thung. Zawhna leh chhanna hun hman ho a nih hnuah, LADC-a Assistant Conservator of Forest Pu C.Sangliana'n lawm thu sawiin hun a khar a ni.

Vawiin training-ah hian LADC E&F Department-a officer leh staff te an tel tha hle.