Vawiin khan Lawngtlai DC Conference Hall ah Republic Day 2015 lo thleng tur hman dan tur Addl. DC Pu R. Lalsangluaia hova rel a ni.

Republic Day lawmna pui ber chu YLA Playground ah zing dar 10:30 Am a neih tura ruahman a ni a, At Home Tea Party chu Circuit House tualah neih tur a ni thung ang. Parade Contingent mawi tawk tak ruahman a nih bakah he ni puala Home leh Hospital thilpek hlan dan tur te, Day puala intihsiakna buatsaih dan turte rel a ni.

Kumina Republic Day lo thleng turah hian Lawngtlai District bikah; kum danga kan lo hman thin dan ang bakah ruahmanna thar tha tak siam belh a ni a. Mizoram sawrkar hnuaia Department hrang hrang leh LADC hnuaia Department pawimawh zualte chu an Department hnathawh emaw an hmasawnna tilang thei chi tar chhuahna nei theuh tura beisei an ni a, chutianga mahni Department hnathawh tarchhuak zinga a ti tha zualte hnenah lawmman te pawh siam sak tum a ni bawk.

Vawiina Republic Day hman dan tur relna ah hian Department hrang hrang aiawh, Chanchinbumi, tlawmngai pawl aiawh leh infiamna lam pawl aiawhte an tel tha hle a ni.