Vawiin khan Mizoram Legislative Assembly a thawk zawng zawng ten Assembly Conference Hall-ah kumthar lawmna leh inhlan tharna hun Pu Hipheia, Speaker leh Pu R. Lalrinawma, Deputy Speaker te hovin an hmang a. He hun hi Pu Ngurthanzuala, Secretary in a kaihruai.

He hunah hian Pu Hiphei, Speaker chuan ni tin a hmalam pan a ram tan leh midang tan thil tha titur a tum ruhna nei tlat turin hnathawktute fuihin duhsakna a hlan a. Pu R. Lalrinawma, Deputy Speaker chuan sawrkar hnathawkte an vanneihzia inhria a thahnemngai tak leh phur tak a hnathawk tur a fuihin kumthar atana duhsakna a hlan bawk. Pu Ngurthanzuala, Secretary chuan Assembly Secretariat a hnathawk zawng zawng te chu hun vawng dik turte, hawihhawm tak leh MLA te zahthiam taka hnathawk thin turin a fuih bawk.