2759/2025-2026

Lawngtlai, the 22nd, December, 2025 : Vawiin chawhnu dar 2:00 PM  khan Pu Donny Lalruatsanga, Lawngtlai Bawrhsap kaihhruaina in Mizoram Cleanliness Competition 2025 review meeting DC Conference Hall, Lawngtlai ah neih niin Dr. Gospel Lallawmzuali, Panel of Judge,, Mizoram Cleanliness Competition 2025 in a  telpui.

Pu Donny Lalruatsanga chuan kalkhawmte hnenah lawmthu sawiin Mizoram Cleanliness Competion 2025 khawpui fai in elna atan Lawngtlai khawchhung ah pawh theih tawp chhuah a ni thu a sawi a.  Kum kalta te han thlirin Lawngtlai hi faina in elna kawngah a  hnufual deuh thin a, hmalak nasat a ngai a, hma pawh kan sawn viau tawh a ni a ti. District dang te aia fai turin tan ila thar zel ang u a tiin,  theihtawp a mipui leh sawrkar te  tanho a ngai a ni a ti. Kum thar lamah pawh  faina kawnga hmasawn  zel  tura thawk tur leh Lawngtlai District - a Mizoram Sawrkar department leh LADC-  te nen tangkawp a 'Clean Lawngtlai' din tum a nih thu a tarlang bawk.

Vawiin review meeting  hi Dr. Gospel Lallawmzuali, Mizoram Cleanliness Competition 2025 - a 'Panel of Judges'  zinga mi chuan a  telpui a.  Lawngtlai khawpuiin faina kawnga an  hmalakna thlirletna neiin,   hmasawnna tura a hriat te tarlanna a nei nghal a ni. Lawngtlai khawpui in a faina kawng  a hmalak a ngaihna kawng hrang hrang leh Mizoram khawpui fai in elna a tehna hrang hrang an hman te a sawifiah bawk  sa ni. Lawngtlai khawpui a lo fai a, a lo thianghlim theihna atan Kohhran leh Zirna In, Village Council leh NGO -  ah faina inzirtir uar a pawimawh tih sawiin, thawhhona tha a awm  chuan Lawngtlai khawpui hian faina kawngah hma nasa takin  sawn ngei ang a ti bawk.

Vawiin review meeting ah hian sawrkar aiawh,  LADC Official, VC, NGO, Kohhran hruaitu leh Private school aiawh te an tel thei a ni.