Vawiin khan Lawngtlai District Road Safety Committee (DRSC) chu an Chairman, Lawngtlai DC Pu H.Dolianbuaia MCS hovin a office chamber-ah an thu khawm a. Kumin February ni 6-12 chhunga Road Safety Week Hman dan tur an sawi ho.

He hunah hian kum hmasa lama Week hman dan report ngaihthlak a ni a. Kumina Road Safety Week 2017 hawnna chu February ni 6-ah DC Conference Hall-ah neih ni se, tih a ni a. A hawnnaah hian Lawngtlai DC chu Khuallian tur niin, sawrkar leh sumdawng lirthei khalhtute sawm khawm a, lirthei khalh chungchanga hriat tur pawimawhte inzirtirna hun hman tum a ni.

Road Safety Week hman chhung hian thuneitu (traffic leh enforcement) lamin uluk takin special drive beihpui thlak se, tih a ni a. Motor-a tar chi flag pawh siam leh tura ruahman niin, Week chhung hian fimkhur tura inzirtirna a zau thei ang bera buatsaih ni se, tih a ni. Hemi Week denchhen hian driver ?ha ber, traffic police ?ha ber leh motor fai ber te thlan chhuah leh tur a ni a. He'ng thlan chhuahte hi Week kharna hun, February ni 13-a Areopagy-a hman turah lawmman hlan an ni ang.