“Livestock production, management and diseases prevention” tih thupui hmanga State Agricultural Management & Extension Training Institute (SAMETI)-in Lawngtlai District-a ran vulhtute tana off-campus training a buatsaih chu vawiin khan Lawngtlai DAO Conference Hall-ah kharna hun hman a ni. 

Kharna hun hi Lawngtlai District ATMA Deputy Project Director Dr M.Chinlampianga’n a kaihruai a. Lawngtlai District AH & Vety Officer Dr B.Zonghinga chuan training-a tel mi 44 hnenah certificate hlanin, fuihna thu chah a sawi a. ATMA Deputy Project Director cum Course Coordinator Dr PL Lalruatfela’n training report kimchang a pek hnuah SAMETI Deputy Director Pu VL Hmangaihchhunga’n lawm thu sawiin, hun khar a ni. 

He ni hnih awh off-campus training hi nimin khan tan a ni a. Ran vulh lama tui mi leh hlawhtlinpui mekte bakah, Lawngtlai Vety hnuaia VFA te an tel tha hle a. Nimin khan Lawngtlai DAO Conference Hall-ah a thu lam zirin, vawiin khan Mampuia Vety Farm tlawh leh a ni a. Hetah hian LADC-a AH & Vety HoD Dr Lalnunpuia Chinzah leh state hnuaia Vety Officer Dr Charlie te’n farm-a hna thawh dan hrang hrang te hrilhfiahin an zirtir bawk.