Vawiin khan Lawngtlai Press Club-ah Lawngtlai District Sericulture Office leh Research Extension Centre, Central Silk Board, Aizawl te tang kawp huaihawtin 'Pangang Khawitute Ni' (Sericulture Farmers' Day) hman a ni a. Pangang khawitute tan skill upgradation training buatsaih a ni.

He hun hi Lawngtlai District Sericulture Officer Pu R. Lalbiakthanga'n a kaihruai a. Research Extension Centre, Central Silk Board, Aizawl atanga mi thiam lo kal - Scientist-C Dr Lalthlamuana Pachuau, Project Assistant Pu Lalramchuana, Project Assistant Pi Zonunsangi Zote leh MTS Pu Vanlaldinga te'n a bul țan tirh ațanga a tawp thlenga pangang enkawl dan (chawki to late age rearing technology), thing theihmu chin leh enkawl dan (mulberry cultivation and maintenance), natna hrik laka theihmu leh pangang ven dan (double disinfection) bakah, maimaw ril seng leh sawngbawl dan (cocoon harvesting & transportation) te an zirtir a. Zawhna leh chhanna hun hlawkthlak tak hman a ni bawk.

Vawiin training-ah hian Lawngtlai District-a pangang khawitu thahnem tak an tel a ni.