2118/2022-2023
Mimkut thla ni 29, 2022: Vawiin khan Lawngtlai Press Club leh DRDA Conference Hall-ah te Lawngtlai RD Block hnuaia Self Help Group (SHG) te pualin block level residential training buatsaih a ni.

Lawngtlai Press Club-ah hian Mizoram State Rural Livelihoods Mission (MzSRLM), Lawngtlai RD Block Mission Management Unit (BMMU) hnuaia khaw 25-a Self Help Group hnuaia Financial Inclusion Cadre leh Financial Literacy Community Resource Person te tan training hi buatsaih a ni a. Self Help Group te'n eizawnna ngelnghet an neih theih nana thil pawimawh hrang hrang zirtir niin, bank loan leh Community Investment Fund chungchang te, bank loan leh Community Investment Fund dil thei tura tih tur pawimawh, Micro Credit Plan leh Cost Benefit Analysis siam dan te, Self Help Group dinhmun enfiah dan te, loan dil dan te bakah bank dawr dan te chipchiar taka zirtir an ni.

DRDA Conference Hall-ah hian Self Help Group te enkawltu Lawngtlai RD Block huam chhunga khaw 28-a Cadre-te tan Village Poverty Reduction Plan zirtir an ni bawk.