Nimin (14.9.2016) chawhnu dar 3 khan DC Conference Hall, Lawngtlaiah 3rd State Anti-Tobacco Day hman a ni a. Lawngtlai District Chief Medical Officer Dr Thani Pachuau-in kaihruaiin, Sub-Deputy Commissioner Dr Andrew Lalremruata chu khuallian a ni.

He ni denchhen hian Lawngtlai District chhunga a vawi 1-na atan school 3 - AOC P/S, Council Veng P/S leh Adventist English School te chu 'Tobacco Free School'-ah puan an ni a, lawmpuina (felicitation) certificate hlan nghal an ni. He hunah hian vaihlo hlauhawmzia inzirtirna neih a nih bakah, Lawngtlai District Legal Inspector hnen atangin vaihlo kaihhnawih dan pawimawh zual ngaihthlak a ni a. Hun tawp lamah mipui kal khawmte'n thutiam (pledge) sawi rualin, dan lova Cigarette lak luh an man khawm sate tihralna hun hman a ni bawk.