Vawiin khan Swachh Bharat Mission - Grameen hnuaia India ram puma district tin faina kawnga an dinhmun endika nihna (national ranking) pekna tur Swachh Survekshan Grameen 2018 hawnna chu Lawngtlai DC Conference Hall-ah Bawrhsap Pu N. Chakhai MCS hovin buatsaih a ni.

He hunah hian SBM(G) nodal office PHE leh department dang official-te kal khawmin, swachh survekshan grameen nihphung leh kalpui dan turte tarlan a ni a. Mizorama district hrang hrang endik turin independent survey agency M/S Hindustan Thompson Associated Pvt. Ltd atanga team lo kalin, August ni 1, 2018 atang hian endik hna an rawn thawk dawn a. Faina kawnga sikul, anganwadi centre, kohhran hmun leh vantlang hmun dinhmun te, inthiarna in neih that leh that loh dan bakah, mipui rilru sukthlek leh faina kawnga hma lakna an ngaihdan te thlirin endikna hi an kalpui dawn a ni.