Vawiin chawhma khan DC Conference Hall-ah Lunglei District Mipui Mamawh Intawm Ruahhmanna- MiMIR Committee chu an Chairman Lunglei DC Dr Ankita Chakravarty hovin an thukhawm.  

Lunglei District MiMIR Project siam inelna-ah hian khua/veng Joint Committee 34 ten MiMIR Project Concept Paper an thehlut a. Vawiin thutkhawmna ah hian heng Concept Paper te hi chipchiar taka zirho leh sawiho niin Project tha zual thlanchhuah leh an ni a. Heng Project thlanchhuah te hian 30th-31st July ah Presentation hmangin intihsiakna an nei anga, chuta tang chuan thlifim lehin Project tha ber hi thlan chhuah a ni dawn a ni. Lawmman dawngtu khua/veng chu an Project in a kaihhnawih sawrkar department ten Detailed Project Report mumal zawk an siam sak leh ang a, hnathawhna tur Rs. Nuai 100 an dawng tawh dawn a ni.

Lunglei DC Dr Ankita Chakravarty, IAS chuan Lunglei District-ah MiMIR Concept Paper 34 zet thehluh a ni chu lawmawm a tih thu sawiin he intihsiaknaa phur taka hma la tu veng leh khaw hrang hrang VC, YMA, MHIP, MUP leh mipuite chungah lawmthu a sawi a. MiMIR intihsiakna kaltlang hian khawtlang mamawh intawm hmasawnna ruhrel tangkai tak siam puitlin ngei anih theih nan Project thlanchhuah hna chu uluk leh felfai taka kalpui zel a nih tur thu a tarlang bawk.

My Project, My NEDP- Mipui Mamawh Intawm Ruahmanna (MiMIR)’project hi New Economic Development Policy (NEDP) hnuaia kalpui niin khua leh veng ten khawtlang mamawh inmawm siam puitlin nana project mha in siam siakna a ni a. District tinah project mha ber thlanchhuah tihhlawhltinna turin Cheng vaibelchhe khat (Rs. 1,00,00,000/-) pek an ni dawn a, Mizoram District tinah he inelna hi kalpui mek a ni.