Vawiin khan Lawngtlai DC Conference Hall-ah Additional DC Pu B. Lalchhawntluanga MCS kaihhruaiin Lawngtlaia kumin September ni 5-a Teachers’ Day 2019 hman dan tur rel a ni.

District Education Officer (DEO) lam atangin kum hmasa lama hman dan report ngaihthlak a ni a. Kumin Teachers' Day hi Lawngtlai District-a sikul hrang hrangin a remchan dan angin mahni sikul theuhvah hmang se, zirtirtute chawimawi nan leh Teachers' Day pualin DEO, LADC Education Department leh RMSA te'n banner siamin, khawpui chhung hmun remchang laiah tar se, tih a ni a. He ni pual hian Lawngtlai Bawrhsapin thuchah buatsaih se, cable TV kal tlangin pek chhuah ni se, tih a ni bawk.

Kum danga an lo tih thin danin zirtirtu damlo leh harsatna tawkte tanpui nan sawrkar leh private sikula zirtirtute chuan kumin pawh hian Rs 50 theuh an thawh khawm leh dawn a ni.

Vawiin meeting-ah hian state leh district council lam Education Department ai awh te, sikul zirtirtu te, tlawmngai pawl leh chanchinbu mi te an tel a ni.

Attachment

  • Loading attachment...