Vawiin (09.08.2016; thawhlehni) chawhma dar 11 khan Lawngtlai Additional DC Pu R.Lalsangluaia MCS kaihhruaiin a pisaah Lawngtlaia Teachers’ Day 2016 hman dan tur rel a ni.

District Education Office lam atangin kum hmasa lama hman dan report ngaihthlak a ni a. District Level Committee chuan State Level Committee-in a lo rel tawh angin, kumin Teachers' Day hi Lawngtlai District-ah pawh a remchan dan anga mahni school theuha hman ni se, a ti a. Zirtirtu damlo leh harsatna tawkte tanpui nan sawrkar leh private sikula zirtirtute'n Rs 50 theuh thawh khawm ni se, an ti bawk.

Vawiin meeting-ah hian state leh district council lam Education Department ai awh te, sikul zirtirtute leh member dangte an tel a ni.