Serchhip District Legal Services Authority bul tumin The Mizoram Victim of Crime Compensation Scheme, 2011 hnuaiah Compensation hlanna hun vawiin chhun dar 12:00 khan Serchhip District Bawrhsap Dr. Lalrozama, IAS Office Chamber-ah neih a ni.

Bawrhsap chuan zangnadawmna hlan ngaia vanduaina tawkte chu a tawrhpui thu a sawi a, zangnadawmna hian kan tawrhna tuam dam tak tak lo mah se, hetianga tuartute chhawmdawlna dan awm hi lawmawm a tih thu a sawi. Serchhip District-ah hetiang tanpuina dawng hi an tam lo hi thil lawmawm tak a ni a, chutih rual chuan dawng awm tak dawng lo an awm ang tih erawh a hlauhthawn thu sawiin, hemi kawnga hma lak a awlsam zawk nan District chhunga Police Station tinte puihbawmna an mamawh thu a sawi bawk.

He hun hi Pu Lalngaihmawia Zote, MJS, Secretary, Serchhip District Legal Services Authority in a kaihruai a, Report pein, The Mizoram Victim of Crime Compensation Scheme 2011 chungchang a sawifiah bawk.

Zangnadawmna hi pawikhawihna avanga vanduaina tawktu naupang pathum, chhungkaw pahnih ami chhungte hnenah Rs. 2,50,000/- leh Rs. 50,000/- te hlan niin Dr. Lalrozama, IAS, Deputy Commissioner leh Pu Lalringdika, Superintendent of Police Serchhip ten an hlan a ni.