Urban Development & Proverty Alleviation (UD&PA) Department-in Lawngtlai khawpui chhung hmun hniha vantlang inthiarna in (public toilet) an sak chu nimin khan a enkawltu turte hnenah an hlan.

Vantlang inthiarna hi District Hospital Lawngtlai-ah leh Chandmary Veng chhungah sak niin, a pahnih hian cheng nuai sarih ve ve senga sak a ni a. UD&PA hnuaia District Project Officer Pi Rochuangkimi Khenglawt, MCS chuan District Hospital thuneitute hnenah leh Chandmary khawtlang hruaitute hnenah hian hlanin, anni hian an enkawl chhunzawm nghal dawn a ni.

Pi Rochuangkimi Khenglawt chuan faina leh thianghlimna lama hmasawnna kal chho zelah vantlang inthiarna chu mipuite'n tangkai taka an chhawr a beisei thu a sawi a, khawpui fai leh thianghlim nei zel tura nasa zawka tan lak tul a tih thu a sawi.

Attachment

  • Loading attachment...