Nimin khan UD&PA Department Mamit huaihawtin faina Campaign leh Plastic thenfai hnatlang neih a ni a. Mamit khawpui chhung fankual zawh anih hnuah GSA Playground Mamit-ah intawkkhawmin Programme tawi hman a ni.

Pu C. Sawihlira, DUDO Mamit chuan Plastic chu khawvel pumin a buaipui dan leh kan Environment nasa taka a tihchhiat theih dan kalkhawmte hnenah sawiin Plastic hmang tlem zel turin a ngen nghal bawk.

He hnatlang hi India ram puma Plastic hman tih tlemna Campaign Swachhata Hi Seva Programme hnuaia hmalakna niin he hunah hian Plastic hmanrua hmang tlem tura intiamna neih nghal a ni bawk.

He hnatlangah hian Children Sanitation Club Members-te leh Presbyterian English School zirlaite an thawkchhuak a ni.