Chakma Autonomous District Council (CADC) huam chhunga Village Council inthlanna tur leh Lai Autonomous District Council (LADC) hnuaia Council Venga VC seat khat hnawh khah nana by-election neih tura Returning Officer tura ruat mi 116 te chu vawiin khan Lawngtlai DC Conference Hall-ah training neihpui an ni.

State Election Commission chuan CADC huam chhungah VC inthlan buatsaih turin ruahmanna a kal chhohpui mek a. Vawiina Returning Officer training-ah hian District Election Officer, Lawngtlai Bawrhsap Pi Shahshanka Ala, IAS chuan tluang taka inthlan a nih theih nan theih tawp chhuah turin Returning Officer-te chu chahin, tawn hriat tam tak an neih karah hriat thiam loh an neih chuan Election thuneitute zawt hreh lo turin a chah bawk.

Chakma Autonomous District Council huam chhungah hian village council 88 awmin, hmeichhe tana seat hausak 88 nen VC member thlan tur 516 an awm a. Election Department lamin an chhinchhiah danin CADC-ah hian in ding lai 15174 a awm.