1834/2022-2023
Mimkut thla ni 6, 2022: Mizoram State Institute of Rural Development & Panchayati Raj (SIRD&PR) huaihawta Lawngtlai District chhunga khaw thlan bik 13-a Village Council member-te tana "Localisation of Sustainable Development Goals (SDGs): Theme - 4 (Water Sufficient Village)" tih thupui hmanga tuia hnianghnar leh intodelh khua ni tura khawtlang tih tur leh mawhphurhna inzirtirna ni thum (6th - 8th September, 2022 chhung) awh tur chu vawiin khan Lawngtlai BDO BNRGSK Hall-ah ṭan a ni.

He training hi Lawngtlai BDO Pu N. Lalzarzova chuan a hawng a. Training tura kal khawmte chu hlawhtling taka training zawh tum tur leh an thil zirte a taka mahni khuaa hman theih tum turin a chah a ni.

Training-ah hian Lawngtlai District chhunga khaw thlan bik 13 aṭangin VC member 3 ṭheuh an tel a. SIRD&PR Mizoram aṭangin Er Lr. Lalrinmawia Hnamte leh Er Zomawia Hauhnar te'n zirtirna an pe dawn a ni.

Attachment

  • Loading attachment...