1833/2022-2023
Aizawl 6th September 2022: Ni 45 awh, mi 346 luhna, Mizoram Police mi leh sa, ruihhlo vanga buaite tana “Detoxification & Rehabilitation Camping”, National Fund for Control of Drug Abuse (NFCDA) fund atanga hmun kua (9), Battalion Headquarters 8 leh PTS Thenzawl-a neih chu vawiin khan a kharna hun hman a ni a, Mizoram Police Senior Officers-te’n hmun hrang hrangali a hnuaia tartan dan ang hian kharna hun an hmanpui.

1) 3rd Bn MAP Headquarters, Mualpui - Pu Devesh Chandra Srivastva IPS, DGP(M)
2) 1st Bn MAP Headquarters, Armed Veng - Pu John Neihlaia IPS, IGP(Hqrs)
3) Police Training School, Thenzawl - Pu Parwaiz Ahmed IPS, IGP(Trg)
4) 5th IR Bn Headquarters, Lungverh - Pu Lalbiakthanga Khiangte IPS, DIG(Hqrs)
5) 1st IR Bn Headquarters, Mualvum - Pu Neichungnunga IPS, DIG(NR)
6) 4th IR Bn Headquarters, Luangpawl - Pu LR Dingliana IPS, DIG(Trg)
7) 2nd IR Bn Headquarters, Khawzawl - Pu Thomas Zodingliana IPS, DIG(ER)
8) 2nd Bn MAP Headquarters, Lunglei - Pu Lallianmawia IPS, DIG(SR)

Ni 45 chhung hian awmze nei takin taksa insawizawi, drill, indoor class (rilru hriselna chungchang telin) leh thlarau nun lama inkaihhruaina Resource Person hrang hrang ruaiin neih a ni. Camping neih chhung hian campers ten hmuh theihin taksa leh rilru lamah nasa takin an hlawkpui a, an zu leh ruihhlo tih thinte thlah thei turin rilru leh taksaah an chak phahin hma an sawn phah hie nia hriat a ni.

Police te hi kan hnathawhin a zir avangin hna harsa leh hautak hmachhawn a ngaih chaag a awm thin a, hmun harsa leh hrehawm tak taka awm te a ngaih chang a awm a, chhungte leh nupui fanaute hmuh phak lohva rei tak tak kal chhuah te a tarn avangin leh sual hmachhawnna leh dan leh hrai kenkawh thilah te chhum lo chat lova rilru leh taksa a hah thin avang tein rilru hriselna kawngah nasa takin nghawng a nei thei a. Chutiang rilru lama harsatna (anxiety/stress) chhawk leh up bet turin kan mi leh sa ten zu leh ruihhlo an tih phah nasa nia hriat a ni a. Hetiang hi professional tak leh uluk taka kan inngaihven loh chuan nasa takin hna, chhungkua, khawtlang leh a ram pum ang pawhin nghawng tha lo tak a nei thei a ni.

Camping kan neihna tura tha thawhtu Officer leh Staff zawng zawng te leh kan Resource Person te chungah lawmthu kan sawi a, campers te leh an chhungte zawng zawng, ruihhlo leh a zun hneh tura huai leh tumruh taka beitute chungah Mizoram Police chuan lawmthu a sawi tak zet bawk a ni. He “Ni 45 Camping” hian Police mi leh sa engemaw zat ruihhlovin a tihbuaina lakah a tha zawngin kawngro thui tak a sut a, rah tha a chhuah ngei kan beisei a ni.