Vawiin khan World Vision India, Chhimtuipui ADP leh District Child Protection Unit (DCPU), Lawngtlai te tang kawp huaihawtin Lawngtlai Press Club-ah Village Level Child Protection Committee te pualin training buatsaih a ni.
Training-ah hian DCPU-a Social Worker Pu K. Lalliantluanga'n Juvenile Justice Act leh POCSO Act sawi fiahin, DCPU-a Programme Officer (NIC) Pi Zohlimpuii Hmar chuan Village Level Child Protection Committee te hma lak dan tur leh an tih turte a zirtir a. Zawhna leh chhanna hun hman ni bawkin, WVI atangin Pu Lalremthang Zote chuan lawm thu sawiin hun a khar a ni.
Village Level Child Protection Committee hi naupangte himna tur leh an chanvo dik tak an hmuh theihna tura hma latu niin, Lawngtlai District thingtlang hmun hrang hrangah din a ni tawh a. Vawiina training-ah hian he Committee dinna khaw 12 atangin Committee Member 59 an kal khawm a ni.
Village Level Child Protection Committee-ah hian VCP-te chu Chairman niin, school tina Headmaster-te, anganwadi worker, ASHA worker leh health worker te bakah, NGO hrang hrang ai awhte chu member an ni.
