Mizoram sawrkarin World Environment Day puala sawrkar hna thawkte'n thu tiam tur leh faina hnatlang thawk tura hriattirna a chhuah angin vawiin khan Lawngtlai DC office-a officer leh staff-te chuan DC office tualah thu tiam rualin, office chhehvela bawlhhlawhte an chhar fai nghal.

He thu tiamna hun hi Sub-Deputy Commissioner Pu Lalsanglura MCS chuan a kaihruai a. Hemi ni puala thu tiam rual tur siam sa chu he huna telte hian chham rualin, kan chenna khawvel ramngaw, leilung leh boruak tichereuva tibawlhhlawh lo tur leh a tihthianghlimna kawnga thawk zawk turin thu an tiam thar leh a. Plastic lam chi hmang tlem tur leh, loh theih lohva hman a nih pawha fimkhur leh uluk taka hmang tur te, bawlhhlawh paih dan leh faina chungchanga mi dangte zirtirtu nih tum turte'n an intiam a ni.

DC office bakah hian Lawngtlaia sawrkar office hrang hrang chuan heti ang hun hi mahni office-ah mahni remchan dan angin an hmang ve hlawm bawk.