Vawiin chawhnu khan Lunglei District Green Mizoram Committee 2019 chuan DC Conference Hall, Lunglei ah Green Mizoram Day 2019 June 11 a hman dan tur rel in an thukhawm. Kumin thupui chu "Thing phunin sik leh sa vawng tha rawh" tih ani.
He hun hi Pu Lalnundika, SDO (S) in kaihruaiin Dr. C. Vidhyasagar, IFS, DFO leh Member Secretary Green Mizoram Committee Lunglei ni bawk chuan nikum a Green Mizoram Day hman dan report peiin kumin Green Mizoram Day chu MAP 2nd Battallion Campus Luangmual ah a hawnna hun hman tur a rel niin khuallian atan Pi K. Lalrinzuali, Deputy Commissioner, Lunglei ruat ani. Hawnna inkhawm zawh hian Department leh NGO's hrang hrang ten thingtiak 400-500 phun tura ruahmanna siam ani a, hei bakah hian kum hmasa lama Dept. leh NGO's hrang hrang tein a thing phun tawh te enkawl hna thawh leh Dept. thing phun duh te tan DFO in thing phun tur ruahman sak tur a tih ani. Civil Sub-Division te pawhin mahni remchan dan anga hmang tura rel ani.
Green Mizoram Day 2019 denchhen hian Lunglei District Green Mizoram Committee chuan chhungtin ten mahni inbul emaw compound ah thing tiak pakhat theuh phun tura ngen an ni.
