Khawvel hmun dang rualin tukin khan Lai Autonomous District Council hnuaia Environment​ & Forest Department bul tumin Lawngtlai Bazar Venga Areopagy-ah World Ozone Day hman a ni a.

Day thupui atan 'Caring for all life under the sun' tih hman a ni. He hun hi LADC-a DCCF Pu K. Lalromawia'n a kaihruai a. LADC-a Environment & Forest changtu Executive Member Pu KC Malsawmdawngliana chuan thu sawiin, chenna tlaka khawvel vawngtu ozone tichhe thei thil tam tak mihringte'n kan hman avangin a nghawng tha lo ka tuar mek a ni, a ti a. Ozone chhe zel veng tur hian mipui nawlpui kan harh chhuah a ngai a, Lawngtlai District mipuite pawh he lam hawia ke kan pen ve a tul a ni, a ti a. Ozone chhe zel veng a, thawm tha tura tih theih awlsam tak chu thing phun a ni tiin, thing phun a, phun tawh sate enkawl leh venhim kawnga chak zawka ke pen turin mipuite chu a sawm a ni.

Lawngtlaia World Ozone Day (International Day for the Preservation of the Ozone Layer) hmanna hi NEDP hma lakna hnuaia buatsaih niin, LADC-a Environment & Forest Department-a thawktute leh sawm bikte an tel a ni.