1201/2022-2023
Vawkhniahzawn thla ni 8, 2022: Vawiin khan Lawngtlai District Deputy Commissioner, Urban Development & Poverty Alleviation (UD&PA) Department, National Tobacco Control Programme (NTCP) leh Mizoram State AIDS Control Society (MSACS) te ?ang ho huaihawtin Central YLA Hall, Lawngtlai-III-ah zirlai naupangte tana faina leh thianghlimna chungchang leh chhiat rupna, vaihlo leh a kaihhnawih leh HIV/AIDS laka himna chungchang inzirtirna hun, "Sensitisation programme on Swachh Bharat Mission (Urban), Familiarisation Exercises under DM&R, Anti-Tobacco & HIV/AIDS" buatsaih a ni.

He hunah hian Lawngtlai Bawrhsap Pu Amol Srivastava chu Khuallian niin, zirlaite fuihna thu a sawi a. Zirlaite chu thupui pawimawh tak tak an zir tur chu ngun taka ngaithla a, zawm tum ngei tura chahin, ram hma hun innghahna an nih angin khua leh tui ?ha ni tura an hmaa mawhphurhnate hlen ?heuh turin a chah a ni.

He hunah hian Lawngtlai khawpui chhunga sikul paruk - Ngurnunsangi English School, Don Bosco School, Jehova Jireh Higher Secondary School, Downtown English School, Vista Higher Secondary School leh Harvard Higher Secondary School a?angin zirlai naupang ?hahnem tak an kal khawm a. Thupui pawimawh tak tak hmangin resource person te'n zirtirna an lo pe a ni.

Swachh Bharat Mission (Urban) hnuaia Lawngtlai khawpui faina leh thianghlimna kawnga hma sawn tura inzirtirnaah UD&PA Lawngtlaia District Manager Pi VL Ramnunsangi leh Pi Kerry VL Hmangaihzuali te chu resource person niin, faina chu mi dang kuta dah lo va, mi tinin mawhphurhnaa lak a pawimawh thu te, sawrkar laipuiin hman khat daih sarang (single use plastic) hman a khap chu a taka hma lak ?an a nih dawn thu te tar lan a ni a. Swachhta Warrior Pu Elvis Lalthangzuala kaihhruaiin zirlai naupangte chu faina kawnga hma la turin an intiam nghal bawk.

NTCP Lawngtlaia District Consultant Dr Christy Chhuanmawii chuan zirlai naupangte chu zuk leh hmuam leh vaihlo kaihhnawih ?hat lohzia a zirtir a. Zirlai naupangte chu vaihlo leh a kaihhnawih laka inthiar fihlim turin a fuih a ni.

DM&R Lawngtlai hnuaia Quick Response Team Leader Pu HC Lalnunchama chuan zirlai naupangte chu chhiat rupna lo thlen thulha chhanchhuahna hna thawh dan tur a taka entirin a zirtir a. MSACS hnuaia Integrated Counselling & Testing Centre, Lawngtlaia Counsellor Pu CZ Rodingliana chuan HIV/AIDS chungchang leh he natna laka himna tura thil pawimawh hrang hrang zirtirna hun a hmang bawk.

UD&PA Lawngtlaia District Project Officer Pi TT Beikhaizi chuan lawm thu sawiin, hun a khar a. CYLA Hall-a hun hman zawh hian zirlai naupangte chuan CYLA Hall a?anga an sikul thlengin kawng sira plastic bawlhhlawhte an chhar fai nghal ?heuh a ni.

Attachment

  • Loading attachment...