1200/2022-2023
Aizawl, 8th July, 2022 : Health & Family Welfare Department, Government of Mizoram chuan National Health Mission Employees Union, Mizoram-in nawrh an tum chungchangah a hnuaia tarlan ang hian thuchhuah a siam
National Health Mission Employees Union Mizoram in ni 11th – 13th July, 2022 chhunga an lungawi lohna entirna atan a Mass Casual Leave lak an tum thu chanchinbu kal tlanga Department-in a hre ta mai hi pawi a ti hle a.
NHM Employees-te harsatna hi kum 2019 atang daih tawh khan Health & Family Welfare Department pawhin hriatpui tawhin Sorkar-ah pawh an harsatna hi a thlen sak thin tawh a. Sorkar pawhin ngai pawimawhin NHM Employees te leh Department hrang hrang a CSS/EAP hnuaia thawktute dinhmun zirchiangtu tur Committee a din tawh a. He an study report hi Sorkar ah thehluh tawh niin tunah hian uluk taka zirchianga ngaihtuah mek a ni.
NHM Employees-te thil ngiat langsar zual :-
1. Service Regularization :- NHM hnuaiah hian thawktu hrang hrang mi 2000 chuang an awm mek a, an mahni ang tho a CSS/EAP hnuaia thawk department hrang hrangah mi thahnem tak an awm mek bawk avangin ngun taka ngaihtuah ngai thil a ni a vawi leh khat a tih puitlin mai theih chi a ni lo. Amaherawh chu, a chunga tarlan tawh angin an dinhmun te zirchiang tu tur sorkar-in committee a dinte chuan ngawrh takin hma an la a, an zirchianna report hi ngaihchan mek a ni.
2. Hlawh chungchang :- NHM Employees te hlawh hi CSS atanga pek an ni a, Health & Family Welfare Department bik hi IFMIS lamah mapping felhlel a awm avangin Treasury-ah bill reng reng submit theih a ni lova, hemi avang hian IFMIS hmang lo tura dilna Finance Department-ah dil niin, Finance Department leh Health & Family Welfare Department lamin a tih theih dan turte ngawrh taka ngaihtuah a nih hnuah IFMIS exemption hi ni 21.06.2022 khan phalna dawn niin (vide I.D.No.FIN(FMU)81/22 dt. 21.06.2022). Administrative Department lamin ni 22.06.2022 (Wednesday) ah Principal Director hriattir nghalin he lehkha hi hmuh a nih veleh NHM te hlawh lakna tur bill hi ni 24.06.2022 (Friday) ah Treasury office-ah submit nghal a, chu’ng bill-te chu :-
1) Rs. 8,04,27,000/- = Token No. E-6445/24.6.2022.
2) Rs. 3,86,73,000/- = Token No. E-6446/24.6.2022.
Sl. No.1 ni 27.06.2022 (Monday) ah Finance Department chuan Treasury atangin a chhuah nghal a, Sl.No.2 hi ni 29.06.2022 a chhuah leh tur a nih laiin Treasury office khawlin a chhiat hnan ta a, khawl hi
ni 05.07.2022 (Tuesday) zanah siam that theih a ni chauh a. Ni 06.07.2022 (Wednesday) kha sorkar chawlh ni mahse Treasury-a thawkte office kalin hemi ni la la hian Sl.No.2 hi Treasury atanga chhuah tir lehnghal a ni. Heng pawisa te hi April leh May thla hlawh niin sem chhuah nghal vek a ni.
Hei bakah hian June thla atanga an hlawh tur pawh hi a hun taka pek an nih theih nan buaipui mek a ni.
Study group report leh hlawh chungchanga hmalaknate leh NEUM te harsatna hrang hrang sawi hona leh in hrilhfiahna hi Principal Secretary, Health & Family Welfare Department kaihhruaina hnuaiah ni 08.07.2022 (3:00 PM) khan NEUM hruaitute nen meeting a sawi ho a ni a. He meeting ah hian sorkar-in an dinhmunte hria a hma a lak mek lai a nih avang leh study group report pawh ngawrh taka sorkar-in a ngaihtuah mek lai a nih avangte Health & Family Welfare Department pawhin report hi eng ang nge a nih dawn a la hriat bik loh avangin NEUM te’n Mass Casual Leave lak an tum chu thulh rih tura ngen an ni a.
Hetianga sorkar-in ngawrh taka hma a lak mek lai leh department hotute’n tih takzet a an ngenna ngai pawimawh lova NEUM te’n nawrh kaltlangpui an tum hi Health & Family Welfare Department chuan pawi a ti takzet a ni.
