Vawiin khan Lawngtlai leh Lawngtlai District chhunga zirna in hrang hrangten ram chhung hmun dangte rualin Teachers’ Day an hmang hlawm a. Zirtirtute chawimawi ni leh an hnena lawmthu sawina ni atan an hmang.

District Level Committee chuan zirna in hrang hrangte hian an mahni remchang danin Teachers’ Day hi lo hmang mai se, a ti a. Chung an hmanna ah te chuan Minister te thuchah leh District Bawrhsap thuchahte chhiarchhuak se tih a ni bawk, a. Hemi zulzui hian zirna in hrang hrangte chuan anmahni ruahmanna in Teachers’ Day hi an hmang hlawm a ni.

Downtown English School chuan Central YLA Hall ah zirlai naupangte kaihruaina hnuaiah he ni hi ropui takin an lawm a, an zirtirtute chawimawina thilpek hlanin hun hlimawm tak an hmang a ni. Ngurnunsangi English School ten an School Hall ah Teachers’ Day hi hmangin, thilpek leh zai leh lamte nen he ni hi an hmang a, Jehovah Jireh English School te pawhin College Veng YLA Hall ah ropui takin an hmang bawk. Ei leh in tuihnai tak takte an sem hlawm a ni.

School dang dangte pawhin vawiin hian an hmang a, School thenkhat nimin lama lo hmang te pawh engemawzat an awm a ni.