2148/2026-2027

Lawngtlai, the 9th September, 2026 : Vawiin chawhma dar 11:00 AM DC Conference Hall- ah Bawrhsap Pu Donny Lalruatsanga kaihhruaiin PM-RAHAT (Prime Minister Road Accident Victims Hospitalisation and Assured Treatment) Scheme chungchang sawihoa thutkhawmna neih ani.

Pu Donny Lalruatsanga chuan kalkhawmte hnena lawmthu sawiin, PM- RAHAT Scheme chu Scheme thar tha tak, mi tupawhin motor accident an tawhpalha an hliamte 'Empanelled Hospital' a a thlawn (cashless) a inenkawlna dawn theihna tur a ni, a ti. Tunlai chhanah motor - hmanga veivahna a tam em em a, mi tinin an hmang vek tawh a, hetiang a nih mek lai hian Accident - tawhpalh theih reng a ni a, Accident - tawh palh thulha tanpuina tha tak a awm hi a vanneihthlak hle a ti. Bawrhsap chuan PM-RAHAT tha taka kalpui turin District Administration chuan theihtawp a chhuah tur thu a sawi bawk a ni.

Pu Elisa Lalnunpuia, DRM, NIC chuan PM-RAHAT (Prime Minister Road Accident Victims Hospitalisation and Assured Treatment) Scheme chungchang sawifiahna a nei a. He Scheme hi National Healh Authority- hnuaiah Febuary ni 13, 2026 khan tlangzarh niin, Mizoramah chuan State Health Authority hnuaiah August, 2026 atanga hman tan a nih thu a sawi a . He scheme hnuaiah hian Stake Holder - District Magistrate, Police Department, Transport Department, Health & Family Welfare Department, leh Highways- te awmin, Motor accident- tawk ten empanelled Hospital- ah mahni sum seng loa, a thlawna (cashless) inenkawl theih niin, mipakhat tan accident tawh atanga ni sarih (7days) chhung inenkawl theih niin, Rs 1.5 lakhs thleng hman theih a ni a ti. PM-RAHAT chu Stakeholder department- ten eDAR Portal leh TMS 2.0 Portal hmanga kalpui tur a nih thu ngaihthlak a ni bawk.

Thutkhawmah hian zawhna leh chhanna hun hman ni bawkin,  Bawrhsap chuan lawmthu sawiin thutkhawm hi a khar.