1695/2025-2026

Lawngtlai, 2nd October, 2025 : Tukin zing dar 7:30 AM khan Swachhata Rally (Faina kawng zawh), Swachhata Hi Seva Closing Function leh Cleanliness Week Opening Function, chu Lawngtlai Areopagy- ah neih a ni a. Pu Donny Lalruatsanga, Deputy Commissioner & Chairman, Lawngtlai Town Sanitation Task Force, chuan khualian niin a hmanpui a, Pi Margareth J Vanlalremmawii, District Project Officer, UD&PA Dept. Lawngtlai chuan inkhawm a kaihhruai.

Pu Donny Lalruatsanga chuan faina hapta kan hman mek leh hman zel tur hmingin kalkhawmte chibai a buk a. Sorkar laipui in faina a ngai pawimawh in programme hrang hrang a huaihawt thin a, khawvel ram dangte ang leh ram dangte entawn turin faina kawngah hma a la mek a ni a ti bawk. District hrang hrang faina kawngah kan in el thin a, intihsiakna hnuhnung ber result en in kan district ah hmalak nasat kan ngai hle a ni a ti a, kan khawpui kan district hi kan bal bik a ni lo a, kawngpui laih, bypass road laih leh leivung paih avangin kan hnufual deuh a, tunah chuan heng hi kan pel tawh a, faina kawngah rahbi thar kan kai a hun tawh a ni a ti. Tuna faina kawng a inelna awm leh turah hian kan district sang taka invawrh hi kan duhthusam ani a ti bawk. Faina kawngah hian Sorkar tih mai a tawk lo a, kan zavaiin kan district faina kawngah kan pawimawh a ni tiin chhungkua keimahni theuh atangin faina ah bul tanin, kan in leh lo, kan in bul leh a chehvel faina kawngah kan tan chuan reilote ah ka veng, khua leh district hma kan sawn ang a tiin vawiin ni ah hian chhungkua ah bul tan theuh turin kan infuih thar a ni a ti bawk. Kan District chu kan vannei a LADC, Nu leh Pa chanchangtu kan nei a, LADC ten faina kawngah chak takin hma an la mek zel a, an ni nen a thawk hoin platform khat Clean Lawngtlai pawh kan ruahman dawn a ni ati, kan zavaia kan thawhho a ngai a,khawpui dangte entawn turin ke kan pen dawn a ni a ti bawk. Tukin zing atang hian keimahni theuh thinlungah bul tan ila hma lam pan in i kal zel ang u a ti. Changkanna in a ken tel hi bawlhhlawh nilo in faina a ni a, changkan pui tur chu faina a ni tih hria ila, he kan hun hman mek ah hian rilru thar nen faina kawnga hma la theuh turin a sawm a ni.

Swachhata Rally neihna ah hian Pu C.Lawmsangzuala, Sanitaion & Waste Management Officer, LADC kaihhruana hnuai ah Swachhata Pledge sawi rualna neih a ni. Reels Making competition result puanna leh lawmman semna neih niin 1st Prize -Micky Lalrinpuia, Bazar veng, Lawngtlai, 2nd Prize - Joseph Lalhmingthanga Chinzah, Lawngtlai-III leh 3rd Prize- Christy Lalthlamuani, Lawngtlai-III te niin thupui atan hian Lawngtlai Faina Beihpui/ Hman khat daih sarang that lohna leh ti tlem tura hmalakna a ni.

Pi Margaret J Vanlalremawii, DPO, UD&PA, Lawngtlai chuan Swachhata hi Seva 2025, 17 September - 2 October chhunga hmalak na report hetiang hian a pe.

Ni 25 september,2025 khan KMMTTP Road, AOC ah Ek Din, Ek Ghanta,Ek Saath- Hnatlangpui zing dar 8 ah tanin darkarkhat chhung Govt. Of Mizoram hnuaia hnathawk officer leh staff te leh LADC Ex. Secretary, Officer leh staff te nen mi 180 ve hnatlang thawh ani a, hemi ni vek hian Lawngtlai khawpui chhunga veng 10 ah VC te kaihhruaina hnuaia hnatlangpui thawh a ni. Cleanliness Target Unit (CTU)-(Bawlhhlawh mihring thaa tihfai theih loh) hmun ruk(6) KMMTTP roadside ah tihfai niin, hemi hnu hian bawlhhlawh paih theih lova hung vek niin banner tar bawk a ni a, CTU tih fai zawng zawng hi 105.4 meter a thui a ni.

Temporary 3Rs Centre hawn niin, mipui atang pawhin donation dawn a ni a, Donation la ti duh tan UD&PA Cell, DC Office Lawngtlai ah October thla chhungin pek theih reng a ni bawk.

Swachhata hi Seva (17 September- 2 October,2025) chhung hian Lawngtlai khawchhunga zirna In- 8 leh sawrkar Office -19 ten thu intiamkamna ( Swachhata Pledge) sawina an nei a. Lawngtlai khawpui chhunga zirna In -10 leh sawrkar Office -14 ah te faina hnatlang neih a ni bawk. September ni 29 khan Sanitation Workers, Sanitaion Department hnuaia thawk te tan 'Free Health Check-up' buatsaih niin, Mobile Medical Unit- ten an hriselna dinhmun hi endik sakin, mi- 26 te health check-up neihsak an ni.

Hman khat daih sarang that lohna leh a ti tlem tura hmalakna pualin 'Reels Competition' buatsaih a ni a.

Sanitation Department leh I&PRO, LADC te nena tangkawpin, Lawngtlai mipui te tana bawlhhlawh paihna hmun tur inzirtirna video siam a ni bawk.

DAY-NULM hnuaia 'Self Help Group' Member - ten 'Door-to-door Awareness Campaign' neiin, bawlhhlawh thliar hran dan leh Single Use Plastic (SUP) hmang lo tura inzirtirna an nei bawk.