2120/2022-2023

Lunglei the 30^th September, 2022 - Lal Bahadur Shastri National Academy of Administration, Mussoorie (LBSNAA) atanga lo kal Officer Trainee paruk – Hemant Kumar, Alok Prasad, Anjali Verma, Himani Singhal, Manas Ranjan Sahu leh Narayan Amit Malempati ten Lungsen khua, Lunglei District-a Field Study & Research Programme an neih chu nilaini khan zo felin nimin khan Lunglei khawpui chhunga home hrang hrangte an tlawh a ni.

Lungsen an cham chhung hian sawrkar hmalakna hrang hrangte zir chiangin sawrkar official, khawtlang hruaitute, tlawmngai pawlte, zirtirtu, zirlai, angawadi thawktute, kuthnathawktute an kawm a. Heng an zirchianna atang hian topic paruk – i) Education ii) Health iii) Panchayati Raj iv) Poverty, Unemployment & Livelihood v) Agriculture and Land Reforms vi) Rural youth and their aspirations hnuaiah report an siam dawn a ni.

Nimin tlai khan Lunglei DC Conference Hall-ah Lunglei DC Pu Kulothungan A kaihhruaiin Officer Trainee-te hi meeting neihpui an ni a. H&FW, School Education, Land Revenue & Settlement leh Agriculture Department official-te an tel a ni. Officer trainee te hian Lungsen khua a an thil zir te report pe in District official-te atanga an hriat duh hrang hrangte an zawtfiah a ni.

Officer Trainee-te hian vawiin hian India zalenna sualtu Pu Darthawma Renthlei (L) in Chanmari, Lunglei an tlawh hnuin Aizawl panin Lunglei an chhuah san dawn a ni.