2121/2022-2023
Lunglei the 30th September, 2022 - Lal Bahadur Shastri National Academy of Administration, Mussoorie (LBSNAA) atanga lo kal Officer Trainee paruk – Hemant Kumar, Alok Prasad, Anjali Verma, Himani Singhal, Manas Ranjan Sahu leh Narayan Amit Malempati te chuan vawiin khan India zalenna sualtu Pu Darthawma Renthlei (L) in Chanmari, Lunglei tlawhin Pu Darthawma chhungte zahna chibai an buk a ni.

Pu Darthawma fapa Pu R. Lalbiaktluanga leh a chhungten lo dawngsawngin inkawmna hun an hmang a ni.

Pu Darthawma Renthei ( L)hi kum 1920 khan Pukpui khuaah a piang a. November ni 27, 1940 ah British Army a zawm a. Kum 1941 khan Malaysia a thawn zingah telin kum 1942 khan Japan leh British sipaite chu Prisoner of War ah man niin Pu Darthawma pawh hi a tel a ni. Jail atanga a chhuah hnuin Indian National Army a zawm a, man niin kum 1946 ah chhuah zalen a ni. India ramin zalenna a hmuh hnuah Freedom Fighter of India ah pawm a ni a. India zalenna sualtute tana siam Tamrapatra Award chu chu August ni 15, 1973 khan hlan a ni bawk. Pu Darthawma Renthlei hi Lunglei Chanmari ah a nupui fanau te nen chengin July ni 21, 2019 khan a boral a ni. Pu Darthawma Renthlei pualin India ram sawrkar, Ministry of Communication chuan nikum October thla khan Special Cover anlo ti chhuak a ni.