Vawiin khan Electric Veng Local Council House sakna tur lungphum chu Parliamentary Secretary to CM Pu Lal Thanzara’n a phum. MLA LAD Fund atangin bialtu MLA Pu Lal Thanzara chuan Electric Veng Local Council House sakna tur cheng nuai 2 a pe a. Naupang sikul kai rual la nilo te tan Anganwadi pawh he Local Council House-ah hian dah tel a ni ang. Local Council Chairman Pu F Saichhunga kaihhruai programme tawite buatsaihah hian Local Council member, YMA, MHIP leh khawtlang hruaitu mi engemawzat an tel a ni.

Vawiin vek hian Pu Lal Thanzara chuan Electric Power House kawngpui, Pu H Raltawna leh Pu Piandenga (L) te in inkar atanga St. Mary’s Biak In kawt kawng pawhthlakna tur motor kawngpui sial mek a hmunah a en bawk a. He kawng hi ft 85 bawr vela thui niin PWD atanga sum hmuh cheng nuai 10 leh Aizawl Municipal Council atanga cheng nuai 4.7 an hmuh hmanga siam a ni a. Thla khat leh a chanve vel kawngpui sial hna hi thawh tawh niin zawh thuai beisei a ni.