Central Media leh a kaihhnawih State sorkar Department  te inthlunkhawmna, Inter Media Publicity Coordination Committee (IMPCC) chu vawiin khan Pu Pu C. Lalrosanga, Addl. D.G., N.E hovin Doordarshan Kendra, Aizawl-ah an thukhawm  a, October thupui atan ‘Vote neite chanvo leh mawhphurna’ tih an thlang.

IMPCC Meeting-ah hian thla hlui thupui ‘Bharat Nirman puanzar’ chungchangah Media Unit te a bik in DDK leh AIR te hmalakna ngaihthlak a ni a, tun hnaia PIC hmun thuma neih pawh thlir ho a ni bawk a. Meeting-ah hian Pu C. Lalrosanga chuan September ni 25 a, Sawrkar Laipui Minister of Information & Broadcasting Pu Manish Tewari hova Guwahati-a meeting an neihah Hmarchhak biala DDK Capital Kendra te tihchangtlun leh DD NE channel huang tihzauh a, tualchhung programme a tam thei ang ber siam a, tihchhuah an sawilan thu te meeting ah hian a tarlang. Hmarchhak tualchhung cable TV ten Cable TV Regulation Act. 1995 in a phut angin DD NE channel pechhuak tur an nih laiin thenkhat ten an pechhuak lo chu pawi tiin, DD NE channel hi tualchhung cable TV ten pechhuak ve tura ngen nise tih Guwahati meeting-ah hian rel a nih thu a sawi bawk.  

Vawiin meeting-ah hian, department hrang hrang, PIB, Field Publicity, Directorate of Health Services, Agriculture, Soil & Water Conservation, AH & Vety, I&PR, AIR leh DDK Aizawl aiawh te an tel a ni.