Aizawl Local Council leh District 6-a Village Council inthlanna chu, Mimbung V/C Constituency-a candidate 1 hming ziah dik loh avanga naktuka inthlan tur tih loh ah chuan inthlanna hi tluang taka neih a ni.

Aizawl a Local Council leh District dang panga - Aizawl, Serchhip, Champhai, Mamit leh Kolasib a V/C inthlanna ah hian MPF te chuan mawhphurhna la in, vote thlak tura kalte an lo buaipui a, Lunglei District bikah chuan YMA ten mawhphurhna la in tha taka an duty chu State Election Commission chuan lawmawm a ti hle.

Kolasib Distrcit bika Ballot Paper chhut dik loh palh chu hriatchhuah a nih veleh, Ballot Paper chu lakhawmin hal chhiat vek a ni a. A thar hlakin nimin 29.4.2015 khan siam tha lehin, he District ah pawh hian tluang takin inthlanna hi neih a ni.