UD&PA leh Planning and Programme Implementation Department Secretary Dr. C. Vanlalramsanga chuan vawiin khan Champhai Zotlang-a UDPA Department hnuaia Sports Stadium Complex sak mek chu a hmunah a enfiah.

Stadium sak hna kalpui dan hi Contractor-ten UD&PA Secretary chu contractor-ten chipchiar takin an lo hrilhfiah a. March 2014 atanga khan sak hna hi tan niin, kumin kum tawpah chuan peihfel a nih tur thu an sawi a ni. Secretary hi Champhai District Urban Development Officer Pi V. Lalmuanpuii leh Champhai DIPRO Pi Emily Lalrinpuii ten an tawiawm a ni.

Metre 23,362 biala Sports Stadium Complex sak mek hi Sorkar laipuia Ministry of Urban Development-in cheng nuai 2000 chuang sum tumin, UD&PA hmalakna hnuaia sak a ni a. Executing agency hi National Buildings Construction Corporation Ltd. niin, contractor chu M/s Balajee Developers, Delhi a ni a. International Standard Football Ground bakah 8 lane running track, boxing hall pakhat (20mx20m), 2-wheeler 200 park theihna leh mipui 3,500 len theihna tur gallery panga awm tura duan a ni.