Vawiin chawhnu dar 11 khan Lunglei District Co-operative Union 15th Annual General Assembly 2010 chu LDCU Office ah neih a ni.

He General Assembly a Khuallian Pu Joseph Lalhimpuia, Vice Chairman, High Power Committee Lunglei chuan thusawiin Mizo culture leh sakhuana nen hian cooperative Union hi a in hmeh hle a ti. Co-operative hmanga mirethei te dawm kan leh mi rethei te an lo nun khawchhuah ve theih avangin lawm thu a sawi. Co-operative Union te hian  neitu thinlung put a ngai a hei hian hna tam tak a thawk a ni. Co-operative Union hi sorkar in a ngai pawimawh a chuvangin security tha tak a awm theih nan rinawm a ngai a, mipuite hmasawnna ngaihtuah chungin hna thawk theuh turin leh District dangte entawn tlak ni turin a chah bawk a ni.

Inkhawm hi Pu H. Lalnunmawia President, LDCU in kaihhruaiin Annual Report Pu Hrangvunga Executive Officer in a pe bawk.