Vawiin khan Mizoram Bharat Scouts & Guides chuan IPR Auditorium-ah Scouters & Guiders Seminar an nei a. Prime Minister's Shield Competition leh UPA Rashtrapati Award chungchang inzirtirna an nei.
Prime Minister Shield Competition hi India ram hmun hrang hranga Scouts leh Guides; Rovers leh Rangers unit ten ram leh hnam tana hna chi hrang hrang, khawtlang hmasawnna te, small saving campaign leh adult education lam te, zu leh ruihhlo do leh nungcha humhalhna kawngah te, Faina kawnga hmalakna leh thing leh hnim hring humhalh kawngah te an inelna turin buatsaih thin a ni a. Hemi bakah hian Scouts & Guides, Rovers & Rangers ten chawmawina an dawn theih sang ber, Rashtrapati Award chungchanga hmalak dan tur inhrilh hriatna neih a ni bawk. Rashtrapati Award hi India President-in Rashtrapati Bhavan ah hlan thinin Mizoram atang pawhin Scouts & Guides mi engemaw zatin an lo dawng tawh a ni.
He Seminar hi State Secretary Pi K.Lalliantluangi'n a kaihruai a. Pu Sangnghilhlova, State Commissioner (S) chu Khuallian niin Pi Saizampuii leh Pu Lalngilneia Colney ten zirtirna an pe a ni.
He Seminar hi State Secretary Pi K.Lalliantluangi'n a kaihruai a. Pu Sangnghilhlova, State Commissioner (S) chu Khuallian niin Pi Saizampuii leh Pu Lalngilneia Colney ten zirtirna an pe a ni.
