Lunglei Dist Riffle Association buatsaih Shooting Competition August ni 1 atanga tan chu Inrinni khan zawh fel a ni ta. Inrinni khan Saikuti Hall Shooting Range-ah lawmman semna inkhawm neih niin, Pu.Lalzirmawia chhangte Director Sport & Youth Services chu khuallian a ni. Inkhawm kaihruaitu Pu. Lalchawimawa Chairman Technical Committee chuan LDRA chu Mizorama Riffles Association ding hmasa ber niin kum 2005 khan din a ni a ti a, Shooting Range tha tak an neih bakah State pawnah naupang panga tirhchhuah an ni tawha Medal pawh an lo hawn thin a ni a ti.

He huna khuallian Pu.Lalzirmawia Chhangte chuan, Sport lama hmasawn tur chuan Association chaktak neih a ngaia LDRA chu Silai kah lamah Mizorama bultantu an nih chu chhuanawm a tih thu a sawi a, kan nula leh tlangval ten Skill tha tak an neia, khawvel zau zawkah an lan theih nan Sport Minister chaktak hmalakna in theihtawp chhuah mek a ni a ti. He Shooting Competition ah hian category 7-ah in elna siam niin pakhatna atanga pathumna te hnenah lawmman khuallian hian a sem.