Vawiin khan Mizoram Florists’ Association  hruaitute leh an pawl member mi engemaw zat te chuan pangar leh hnim hring phunin Rajiv Gandhi Stadium Mualpui-ah nilengin an hnatlang. Hnatlang a thawk chhuak hi mi 50 vel an ni a, field sirah pangar leh hnim hring (Duranta leh Exora) thahnem tak an phun a, Inrinni pawh khan nilengin Stadium hmunhma chei in an lo hnatlang tawh bawk a ni.

Mizoram Florists’ Association hruaitute chuan he hun remchangsiamsaktu Parliamentary Secretary to Chief Minister Pu Lal Thanzara leh PWD chungah lawmthu an sawi. Florists Association te hian Lengpui Airport hmun hmaah te pawh pangpar phunin an hnatlang fo tawh thin a ni.