Vawiin khan Pu R.S Lalzamliana Addl.DC Office Chamber-ah District Level NLUP Implementing Committee te Pu R.S Lalzamliana, Nodal Officer kaihruaina-in an thukhawm.

He thutkhawmna-ah hian naktip 7th August 2013 -a NLUP 2nd Phase, 2nd Instalment Mizoram puma sem runpui neih nia Mamit District-a NLUP sem dan tur an sawihova, Meeting chuan he huna NLUP sem hi a lo hlawhtlin theih nan Line Department tinte chu lo inbuatsaih tura ngen an ni a. District hmun li, Mamit, Kawrthah, West Phaileng leh Reiek ah te he hun hmanna turah pawh Line Department hotute ruahmanna lo siam fel tura tih an ni bawk.

Mamit District chhung hmun hrang hrang khaw li-a NLUP sem hmanpui tur hian Mizoram Sawrkar in Reiekah, Pu R. Romawia, Speaker Mizoram, Mamit-ah Pu John Rotluangliana Deputy Speaker, Kawrthahah Pu Lalrinmawia Ralte Parliamentary Secretary Home leh W.Phailengah Pu V.L Robiaka, Chairman ZIDCO, te a ruat a ni.

Meeting chuan District Hqrs Mamit a hman dan tur programme duang felin Dt 7th August 2013 zing dar 11:00 ah LAD Conference Hall Mamit ah Pu V. Lalremthanga IAS District Bawrhsap kaihhruaina-in inkhawm buatsaih ni se tih te rel a ni.

He meeting-ah hian Mamit District a NLUP Line Departments hotute an tel kim a ni.