Nimin chawhnu dar 2 : 00 khan Pu Laldinpuia Tlau, Judicial Magistrate Office Chamber-ah "Legal Awareness Seminar on Essential Commodities and Price Rate in Saiha District " neih a ni. He Seminar hi Mizoram Journalist Association (MJA) Saiha District leh Saiha District Legal Services Authority te tangkawp buatsaih niin Pu C.Z.Hluna, President M.J.A., Saiha District in a kaihruai a. Resource Person, Pu Laldinpuia Tlau, Judicial Magistrate chuan bukna/tehna dik leh thil man chungchanga hriattur pawimawh hrang hrangte sawiin kalkhawmte'n sawihona an nei bawk.
He Seminar-ah hian Legal Metrology Officials te, L.A.D. (MADC) Officials te, Police te, IPRO Saiha te, Consumers Association hruaitute leh M.J.A. memberte an tel a ni. Kalkhawmte chuan Saiha District-a bukna diklo hluar lutuk an ngaihmawh thu leh theihtawpa tanlakho zel tha an tih thu an sawiho a ni.
