Vawiin khan Agriculture Conference Hall, Aizawl ah Government of Mizoram, Department of Economics & Statistics buatsaihin India ram pum huap Statistic Day vawi 4-na hman a ni a. Pu S Hiato, Minister, PHE Department chu khuallian niin Pu C.Lalsawta, IAS, Principal Secretary, Planning & Programme Implementation Department chuan inkhawm a kaihruai. Statistic Day hi India Economic Programme leh Planning a bul tantu pawimawh tak, National Sample Survey(NSS) duang chhuaktu Professor Prasanta Chandra Mahalanobis hriat reng nan apiancham June 29 hi kum 2007 tang khan Statistic Day ah a lo puang tawh a ni. Kum in hian Child Statistics tih thupui a hman a ni.
India ram a miropui tam tak zing ah piancham lawm sak tur khawp a ropui chungchuang chu tlemte chauh an awm laiin zofate zingah pawh hetianga thil ropui tak ti thei hi kan thawhrim phawt chuan kan awm a ni, Minister chuan a ti. Economic development programme leh planning te pawh Statistics data tel lo chuan a kal pui theih loh thu leh Statistics Department hnathawh te chu Sawrkar paw'n Annual Budget a siam dawn a piang in a rawn ngei ngei a ngaih thu a sawi.Kumin Statistic Day a naupang chungchang bik zirchhian a ni chu ram hriselnan leh hmasawn nan a tul thu a sawi bawk. Tunhnai a sakawlh hlau tu ten Census an hnungchhawn mai chu a dawihzep thlak a ni a ti.Sawrkar a tel duh lo sawrkar sum mamawh leh si chu thil awm ze nei lo a ni a ti. Chhiarpui a kan in ziah luh chuan India ram hmasawnna ah kan inziak lut ve tihna a ni mai a ti.
Pu Lalsawta, Principal secretary chuan Statistical data kimchang, Central leh India hmundang te ang in kan la nei lo a ti. Sawrkar paw'n Mizoram mipui te dinhmun kimchang behchhan tur a nei lo fo va hmalak dan tur pawh thiam a har thin a ti. Kan statistical data neih te pawh 'rul a raw neih' mai lovin dilchhut takin hmasawnna hmanrua ah kan hmang thei a ni a ti. Tuna kan dinhmun hriat chian hian hmachhawp leh target(thlen tum chin) fel tak neiin Sawrkarin hna athawk thei dawn chauh a ni a ti. Mipui te pawh in hmasawna kawng zawh tuar chuan hrehawm tuar a ngai ve thin tih hriat a tul thu leh sawrkar hmalakna thlawk tlat turin a chah.
Pu Ngunlala Chinzah, Director, Economics & Statistics Department pawh in an Department hnathawh tlang pui leh Mizoram statistics then khat a sawi a. Statistics Department data a lan chuan kum 2008-09 chhungin Mizoram pumah Sawrkar Primary sikul naupang 1,51,899, zirtirtu 8716 leh sawrkar middle school ah naupang 64,887, zirtirtu 7754 an awm.. Primary school ah hian zirtirtu 1 in naupang 17 zel enkawl in Middle school ah zirtirtu 1 in naupang 8 zel a enkawl thung. Kum 2006-2007 chhung a Mizoram Growth Domestic product chu Vaibelchhe 3059.47 chiah niin India Domestic Product ah 0.06% chauh a thawh ve a ni. Mizoram GDP ah hian Agriculture & Allied sector (ranvulh, huanthlai leh loneih) atngin in 16.15% a rawn tling khawm a, Industry Sector atangin 19.27% leh Service sector atang in 64.58% a rawn tling khawm thung. Mizoram mipui 70 % hi loneitute anga chhut niin thawhchhuah erawh chu a la tlem rih hle a ni.
Vawiin inkhawm ah hian lehkhabu pali : 1. Hospital statistics,2009, 2.Village Level statistical index, 3.Meteorological statistics data of Mizoram leh 4.Estimate of state domestic product, 2006-2007 te chu Minister hian a tlangzarh a. State Income Estimation leh National Sample Survey tih thupui hmangin Biakthansangi Hrahsel, Research Officer leh C.Vanlalmuana, Research Officer ten zirtirna an pe nghal bawk.
Pu Lalsawta, Principal secretary chuan Statistical data kimchang, Central leh India hmundang te ang in kan la nei lo a ti. Sawrkar paw'n Mizoram mipui te dinhmun kimchang behchhan tur a nei lo fo va hmalak dan tur pawh thiam a har thin a ti. Kan statistical data neih te pawh 'rul a raw neih' mai lovin dilchhut takin hmasawnna hmanrua ah kan hmang thei a ni a ti. Tuna kan dinhmun hriat chian hian hmachhawp leh target(thlen tum chin) fel tak neiin Sawrkarin hna athawk thei dawn chauh a ni a ti. Mipui te pawh in hmasawna kawng zawh tuar chuan hrehawm tuar a ngai ve thin tih hriat a tul thu leh sawrkar hmalakna thlawk tlat turin a chah.
Pu Ngunlala Chinzah, Director, Economics & Statistics Department pawh in an Department hnathawh tlang pui leh Mizoram statistics then khat a sawi a. Statistics Department data a lan chuan kum 2008-09 chhungin Mizoram pumah Sawrkar Primary sikul naupang 1,51,899, zirtirtu 8716 leh sawrkar middle school ah naupang 64,887, zirtirtu 7754 an awm.. Primary school ah hian zirtirtu 1 in naupang 17 zel enkawl in Middle school ah zirtirtu 1 in naupang 8 zel a enkawl thung. Kum 2006-2007 chhung a Mizoram Growth Domestic product chu Vaibelchhe 3059.47 chiah niin India Domestic Product ah 0.06% chauh a thawh ve a ni. Mizoram GDP ah hian Agriculture & Allied sector (ranvulh, huanthlai leh loneih) atngin in 16.15% a rawn tling khawm a, Industry Sector atangin 19.27% leh Service sector atang in 64.58% a rawn tling khawm thung. Mizoram mipui 70 % hi loneitute anga chhut niin thawhchhuah erawh chu a la tlem rih hle a ni.
Vawiin inkhawm ah hian lehkhabu pali : 1. Hospital statistics,2009, 2.Village Level statistical index, 3.Meteorological statistics data of Mizoram leh 4.Estimate of state domestic product, 2006-2007 te chu Minister hian a tlangzarh a. State Income Estimation leh National Sample Survey tih thupui hmangin Biakthansangi Hrahsel, Research Officer leh C.Vanlalmuana, Research Officer ten zirtirna an pe nghal bawk.
